जय भगवती देवि नमो वरदे

भजन - स्तुती Posted at 2018-10-12 15:09:27

जय भगवती देवि नमो वरदे

जय भगवति देवि नमो वरदे , जय पापविनाशिनी बहुफलदे | जय शुंभनिशुंभकपालधरे , प्रणममि तु देवि नरार्तिहरे || १ || जय चन्द्रदिवाकरनेत्रधरे , जय पावकभूषितवक्तवरे | जय भैरवदेहनिलीनपुरे , जय अन्धकदैत्यविशोषकरे || २ || जय महिषविमर्दिनिशूलकरे , जय लोकसमस्तकपापहरे | जय देवि पितामहविष्णुनते , जय भास्करशक्रशिरो$वनते || ३ || जय षण्मुखसायुधईशनुते , जय सागरगामिनि शंभुनुते | जय दुःखदारिद्रविनाशकरे , जय पुत्रकलत्रविवृद्धिकरे || ४ || जय देवि समस्तशरीरधरे , जय नाकविदर्शिनि दुःखहरे | जय व्याधिविनाशिनि मोक्षकरे , जय वांच्छितदायिनि सिध्दिवरे || ५ || एतव्दयास्कृतं स्तोत्रं यः पठेन्नियतः शुचिः | गृहे वा शुद्ध भावेन प्रीता भगवती सदा ||६ ||

Search

Search here.